Уур амьсгалын асуудлыг ямар үндэстэн, ямар шашин шүтлэгтэй, аль секторт ажилладаг хэдий орчим настай зэргээс үл хамааруулан, тусад нь салган шийдвэрлэх боломжгүй болж байна.
Залуучууд бид уур амьсгалын асуудалд анхаарлаа хандуулж, хөдлөх цаг ирлээ.
2010 оны 6 сарын 28-наас 2010 оны 7 сарын 1-ний хооронд Кофи Аннаны улирдлаганд ажилладаг Женевт төвтэй олон улсын байгууллага нь Дэлхий дахины Хүмүүнлэгийн Чуулга Уулзалтыг “2010 оны Залуучуудын уулзалт-Дөрвөн шинэ үр дүн” гэсэн нэрийн дор 2 дахь жилдээ Швецарь улсын Женев хотноо зохион байгуулах гэж байна. Энэ удаагийн чуулга уулзалт “Залуучууд уур амьсгалын өөрчлөлтийн эсрэг арга хэмжээ авч байна” нэртэй үйл ажиллагагааг зохион байгуулна.
Мэргэжил сонирхол харгалзахгүйгээр, 18-30 насны залуучуудаас шалгаруулж 150 оролцогчыг сонгох болно. Хэрэв та сонирхож байвал энэ хаягаар орж бүртгэлийн нөхцөлтэй танилцан, бүртгэлийн хуудсыг бөглөөрэй.
Монгол бол уур амьсгалын өөрчлөлтөд хамгийн их орж байгаа улс орнуудын нэг билээ. Цаг уурын дулаарал, өөрчлөлтөд хүн бүр анхаарлаа хандуулах болоод байна. Учир нь ганц нэг хүн, улс гүрэн энэ асуудлыг дангаараа шийдэх боломжгүй юм. Дэлхийн агаарын хэм сүүлийн 100 жилд 0.7 орчим хэмээр дулаарчээ. Манай орны хувьд өнгөрсөн 68 жилд ялангуяа өвлийн улиралд дунджаар 2 орчим хэмээр дулаарсан байна.
